Si jep rezultat besimi yt (1)
1. nëntor e shtunë
“Dhe besimi është siguria e gjërave që shpresohen, tregim i gjërave që nuk shihen” Hebrenjve 11:1
Besimi nuk ka të bëjë shumë me fenë apo kishën në të cilën shkon. Fjala greke për “besimin” është “pistis”, që do të thotë një bindje e fortë, e bazuar tek të dëgjuarit dhe mësuarit. Disa fjalë të tjera që e përkufizojnë besimin janë besa, siguria dhe besnikëria. Dhe për t’i shtuar kësaj, ja disa përshkrime shkrimore të besimit: “Siguria e gjërave që shpresohen, tregim i gjërave që nuk shihen”. Bibla na thotë: “Edhe pa besim është e pamundur t'i pëlqesh Atij, sepse ai që i afrohet Perëndisë duhet të besojë se Perëndia është” (vargu 6). Gjithashtu na thotë: “Besimi, pra, vjen nga dëgjimi, dhe dëgjimi vjen nga fjala e Perëndisë” (Romakëve 10:17). Dhe apostulli Jakob shkruan: “Po kështu është edhe besimi; në qoftë se s'ka vepra, është i vdekur në vetvete” (Jakobi 2:17).
Besimi, edhe pse mund të ndjehet, nuk është ndjenjë. E vërteta është, se mund të kesh besim dhe të mos ndjesh asgjë dhe mund të mos ndjesh asgjë e të kesh besim. Nuk ka lidhje as me njohurinë intelektuale apo teologjike. Koefiçenti yt i inteligjencës dhe niveli yt i edukimit nuk kanë të bëjnë me kapacitetin tënd për të praktikuar besimin. Besimi efikas kërkon vepra nga vullneti yt. Është një zgjedhje që ti bën për të pranuar plotësisht atë që Perëndia thotë në Fjalën e Tij. Kur kjo ndodh, krijon një zemër-ngrohtësi që të motivon të veprosh sipas asaj që ke zgjedhur të besosh. Ky është besimi!
