Nidhmë për martesën tënde
26. Janar E Enjte

“Kush jep përgjigje për një çështje para se ta ketë dëgjuar, tregon marrëzinë e tij për turp të vet” Fjalët e Urta 18:13, NLT

Dikush ka thënë: “Të martohesh është sikur të blesh diçka të cilën e ke parë për vite të tëra në vitrinën e një dyqani. E do – por kur e sjell në shtëpi, jo gjithmonë shkon me gjithçka!”. Bibla na jep tre fjalë të cilat janë thelbësore për ndërtimin e një martese të lumtur: “Dhe Perëndia i durimit dhe i ngushëllimit ju dhëntë juve të keni po ato mendime njëri me tjetrin, sipas Jezu Krishtit” (Romakëve 15:5 NLT).

Kjo do të thotë të bësh këto tre gjëra:

  1. Ki një mendje të hapur. Bibla thotë: “Kush jep përgjigje për një çështje para se ta ketë dëgjuar, tregon marrëzinë e tij për turp të vet”. Prandaj, mos e bëj gati përgjigjen tënde ndërkohë që burri ose gruaja jote është akoma duke folur. Dhe asnjëherë mos u bëj aq i ngulitur në pozitën tënde sa të jesh jo i gatshëm për të marrë parasysh këndvështrimin e bashkëshortit ose bashkëshortes tënde. Të dëgjosh ka të bëjë me të lidhurit dhe njohjen se çfarë tjetri do të thotë. “Mos bëni asgjë për rivalitet as për mendjemadhësi, por me përulësi, secili ta çmojë tjetrin më shumë se vetveten. Mos mendojë secili për interesin e vet, por edhe atë të të tjerëve” (Filipianëve 2:3-4 NLT).
  2. Mëso të qeshësh me veten. “Një zemër e gëzuar e bën të lumtur fytyrën, por nga pikëllimi i zemrës fryma dërrmohet” (Fjalët e Urta 15:13, MSG). Kur po përjeton hallet e parave, probleme në familje, sëmundje ose thjesht lodhje, humori mund të lehtësojë tensionin dhe të të ndihmojë të ripërtërijë këndvështrimin tënd.
  3. “Hiqe fjalën që fillon me ‘D’ nga fjalori yt. “Edhe pse Perëndia e lejon divorcin nën rrethana të caktuara, nuk është asnjëheri ideali i Tij. Ashtu siç kanë thënë një çift të cilët i zgjidhën problemet me martesën e tyre: “Jemi të lumtur që nuk u dorëzuam gjatë viteve të vështira. Ne u mbajtëm mjaftueshëm gjatë deri sa kuptuam se ndërsa koha kalon mund të bëhet me të vërtetë më mirë”. Kur i përkushtohesh punës me marrëdhënien tënde, sido që gjërat të përfundojnë, nuk ke për t’u penduar kurrë për përpjekjet e tua.