Zgjidh qëndrimin e duhur
11. shtator e mërkurë
‘Ato gjëra që keni mësuar, marrë dhe dëgjuar nga mua dhe patë në mua, i bëni, dhe Perëndia i paqes do të jetë me ju’ Filipianëve 4:8-9
Një autor shkruan: ‘Studiuesja kolumbiane, Sheena Lyengar, ka zbuluar se personi mesatar merr rreth shtatëdhjetë vendime të vetëdijshme çdo ditë. Kjo do të thotë 25,550 vendime në vit. Për shtatëdhjetë vite, ato bëhen rreth 1,788,500 vendime gjithsej. Albert Kamy tha: ‘Jeta është një gjithësi vendimesh’. Bashkojini të gjitha ato 1,788,500 vendime dhe ky je ti. Viktor Frankl ishte një mjek brilant të cilin nazistët e burgosën në një kamp përqendrimi. Ata i morën atij jetën e tij, i konfiskuan zotërimet, u tallën me dinjitetin e tij dhe i vranë familjen. Ata e burgosën në një qeli me asnjë rrugëdalje … Por ai gjeti një derë për të cilën rojet e tij nuk e dinin: “Gjithçka mund t’i merret një njeriu, përveç një gjëje; liria njerëzore - të zgjedhësh qëndrimin tënd në çdo lloj rrethanash, të zgjedhësh rrugën tënde’. Ai zbuloi se kur rrethanat e tij kishin mbyllur çdo derë për të, ato i zbuluan atij se dyert që kishin më shumë rëndësi – dyert në për të cilat shpirti mund të lërë frikën dhe të hyjë në guxim, të lërë urrejtjen dhe të hyjë në falje, të lërë injorancën dhe të hyjë në të mësuarit. Ai zbuloi se rojet e tij ishin shumë herë më të burgosur – nga ligësia e injoranca dhe bindja e pamend në barbarizëm – sesa ai ishte i burgosur nga muret dhe telat me gjemba.
Disa njerëz mësojnë të bëhen të lirë; disa kurrë nuk e dallojnë dhe e jetojnë jetën e tyre si të burgosur. Ndryshimi është në derën që ti zgjedh ose qëndrimi që ti zgjedh të mbash. Prandaj Pali shkruan: ‘Së fundi, vëllezër, të gjitha gjërat që janë të vërteta, të gjitha gjërat që janë të ndershme, të gjitha gjërat që janë të drejta, të gjitha gjërat që janë të pastra, të gjitha gjërat që janë të dashura, të gjitha gjërat që janë me famë të mirë, nëse ka ndonjë virtyt dhe nëse ka ndonjë lëvdim, këto mendoni’ (Filipianëve 4:8). Sot, zgjidh qëndrimin e duhur!
