Si një prind ti duhet të jesh i sigurt
4. shkurt e mërkurë
“Mësoji fëmijës rrugën që duhet të ndjekë” Fjalët e Urta 22:6
Pavarësisht se ku drejton, në shtëpi, në kishë apo në biznes, ty do të duhet që të marrësh vendime të vështira dhe jo popullore për të mirën e përbashkët. Kjo është veçanërisht e vërtetë për prindërit. Ata që kanë frikë prej refuzimit apo humbjes së dashurisë së fëmijës shpesh bëjnë kompromis për të marrë dashurinë e tyre. Ky është një vendim egoist, sepse ti po vendos nevojën tënde për të qenë i dashur dhe i pranuar mbi nevojën afatgjatë të fëmijës për strukturë dhe vetëdisiplinë. Sa larg mendon se do të shkojë fëmija yt në jetë pa këto gjëra? Fatkeqësisht, shumë prindër janë shumë të pasigurt për të disiplinuar fëmijët e tyre për shkak se ata duan që të ruajnë shoqërinë e tyre.
Që kur roli i një prindi përfshin të qenit një shok? Nëse nënat dhe baballarët janë të ndershëm, ata do të pranojnë se shpesh thonë ‘po’ kur duhet të thonë ‘jo’ për të balancuar mungesën e kohës që ata nuk kalojnë me fëmijët e tyre. Sigurisht, ne e dimë se një investim në kohë cilësore jep një shpërblim më të mirë në planin afatgjatë sesa çdo gjë tjetër që mund të bëjë një prind. Në mënyrë paradoksale, fëmijët zakonisht do të përfundojnë duke mos e respektuar apo madje edhe urryer një prind që vepron në këtë lloj pasigurie, sepse ajo i lë fëmijët të pazhvilluar emocionalisht dhe të keq-pajisur për të menaxhuar presionet dhe përgjegjësitë e moshës madhore. Duke iu dorëzuar vazhdimisht fëmijës tënd, ti po e vonon maturimin e tij.
Ndonjëherë është e nevojshme dashuria e ashpër. Prandaj, Bibla thotë: “Mësoji fëmijës rrugën që duhet të ndjekë, dhe ai nuk do të largohet prej saj edhe kur të plaket”. Prandaj, kërko diturinë, udhëheqjen dhe forcën e Perëndisë dhe Ai do të të ndihmojë që të bëhesh lloji i prindit që fëmija yt ka nevojë.
