Duke kuptuar mbretërinë e Perëndisë
16. gusht e diel
“Mbretëria e Perëndisë është përbrenda jush” Luka 17:21
Në një kuptim, mbretëria e Perëndisë është e ardhshme, e përjetshme dhe qiellore. Kur Krishti të kthehet për të vendosur mbretërinë e Tij mbi tokë, profecia do të përmbushet: “Mbretëritë e botës u bënë mbretëri të Zotit tonë dhe të Krishtit të tij, dhe ai do të mbretërojë në shekuj të shekujve” (Zbulesa 11:15). Sa ditë e lavdishme do të jetë kjo për të gjithë fëmijët e shpenguar të Perëndisë. Por deri atëherë, Jezusi tha: “Mbretëria e Perëndisë është përbrenda jush.” Kjo do të thotë se, si besimtar i rilindur që jeton në këtë botë, je i thirrur të tregosh se çfarë do të thotë të jetosh nën sundimin e Mbretit të mbretërve dhe Zotit të zotërve.
Ëinston Churchill me shaka tha: “Demokracia është forma më e keqe e qeverisjes, përveç të gjitha atyre formave të tjera që janë provuar.” E gjithë qeverisja njerëzore është e mangët dhe në fund të fundit e destinuar të dështojë, sepse përbëhet nga njerëz të mangët. Prandaj, si qytetarë të mbretërisë së Perëndisë, jemi të thirrur të jemi “dritë” që ndriçon errësirën dhe shpërndan padijen, dhe “kripë” që jep shije, pastron, shëron dhe pasuron jetët e atyre me të cilët vijmë në kontakt (shih Mateu 5:13–14). Jemi të thirrur të praktikojmë parimet e mbretërisë së Perëndisë në tregun e jetës. Qoftë që punoni në arsim, transport, mjekësi, politikë, bujqësi, IT, shitje, prodhim, etj., je i thirrur të tregosh përfitimet e jetës nën sundimin e Krishtit dhe udhëheqjen e Frymës së Shenjtë që banon brenda teje. “Mbretëritë e botës u bënë mbretëri të Zotit tonë”. Kur Krishti të kthehet, ky premtim do të përmbushet plotësisht. Deri atëherë, Jezusi tha: “Tregtoni derisa të kthehem” (Luka 19:13).
