Të kënaqësh njerëzit (2)
2. Maj E Diel

‘Perëndia është për mua...nuk do të kem frikë. Çfarë mund të më bëjë njeriu?’ Psalmi 56:9-11 CEV

Miratimi i të tjerëve është diçka që të gjithë ne e shijojmë, por ty nuk të nevojitet për të pasur vetë-vlerësim. Në fakt, të kënaqurit e njerëzve do të shtyjë që ta humbasësh vlerësimin për veten. Ti e bën veten lëmsh për të tjerët dhe pikërisht atëherë kur mendon se ja ke dalë mbanë, ata ndryshojnë mendje. Përveçse të vjedhin paqen e mendjes, të kënaqurit e njerëzve e bën të pamundur ndjekjen e drejtimit të Perëndisë – dhe kjo përfundimisht është humbja jote më e madhe. Nëse je një person që përpiqesh të kënaqësh njerëzit, të ndryshosh zakonin e nje jete të tërë nuk do të jetë e lehtë. Do të kërkojë që të përballesh me atë që i druhesh dhe t’i kërkosh Perëndisë guxim për të vazhduar në këtë proces. Davidi tha: ‘Perëndia është për mua...nuk do të kem frikë. Çfarë mund të më bëjë njeriu?’.

Kur vjen puna tek të kënaqurit e njerëzve, ti duhet të kuptosh dy gjëra:

1) Thyerja e ciklit nënkupton rrezikimin e refuzimit duke thënë ‘jo’ kur të tjerët presin që të thuash ‘po’. Kur njerëzit në jetën tënde janë mësuar me përgjigje të buta, të bindura, ata do të reagojnë negativisht derisa të mësohen me ‘veten tënde të re’. Lundrimi në këto ujëra do të jetë frikësues në filim, por a është me të vërtetë më keq se sa ta jetosh jetën tënde nën frikën e reagimeve të njerëzve të tjerë?

2) Ty do të të duhet t’u shpjegosh të tjerëve se në të shkuarën ti ke kërkuar miratimin e tyre për shkak se je ndjerë i pasigurt, por nuk është më kështu. Gjëja më e rëndësishme është të veprosh tani! Thyerja e çdo zakoni përfshin parehati të përkohshme, por mundësia tjetër e jotja është që ta kalosh jetën i ngecur në grackë. Ti mund të zgejdhësh që të vuash për pak kohë në rrugën tënde drejt lirisë ose të vuash gjatë duke vazhduar që të përfshihesh në përpjekjen për të kënaqur të tjerët. Sot, bëj zgjedhjen e duhur!