Qëndrimi i duhur (1)
8. maj e mërkurë
Qëndrimi i duhur (1)
8. maj e mërkurë
“Secili ta çmojë tjetrin më shumë se veten” Filipianëve 2:3, NKJV
Vër re:
- Qëndrimi i duhur bën një ndryshim në marrëdhëniet e tua. Teodor Ruzevelti ka thënë: “Përbërësi më i rëndësishëm në formulën e suksesit është të dish se si të sillesh me njerëzit”. Dhe Pali shkruan: “Mos bëni asgjë për rivalitet, as për mendjemadhësi, por me përulësi, secili ta çmojë tjetrin më shumë se vetveten. Mos mendojë secili për interesin e vet, por edhe atë të të tjerëve” (vargjet 3-4, NKJV). Nëse nuk i ke patur marrëdhëniet mirë me njerëzit, ndoshta duhet të shohësh qëndrimin tënd. Ndërsa është e vërtetë që disa njerëz kanë një mënyrë për t’i fituar njerëzit, dikush me aftësi të kufizuara me njerëzit mund të mësojë t’i fitojë të tjerët nëse ai ose ajo vendos të ndryshojë qëndrimin dhe mënyrën e afrimit.
- Qëndrimi yt bën ndryshim në mënyrën se si ti përballesh me sfidat e jetës. Gjatë Luftës Koreane, kur marinsi amerikan Chesty Puller përfundoi i rrethuar nga tetë divizione armike, përgjigja e tij ishte: “Në rregull, ata janë në të majtën tonë. Ata janë në të djathtën tonë. Janë para nesh. Janë pas nesh – nuk ikin dot prej nesh kësaj rradhe!”. Në jetë, problemet, sfidat, pengesat dhe dështimet janë të pashmangshme. Kështu, që si do të merresh me to? A do të dorëzohesh? A do t’i lësh kushtet të të bëjnë të mjerueshëm? Ose do të përpiqesh të bësh më të mirën me ato që ke? Rruga që do të zgjedhësh varet nga qëndrimi yt. Shprehja e vjetër është e vërtetë: ajo që nuk të vret të bën më të fortë. Mbaj mend kohërat në jetën tënde kur je rritur më shumë. A nuk kanë qënë ato kohëra kur të është dashur të tejkalosh pengesa dhe probleme?
